Депутат Ольга Булавкина: Саяси реформа - іргелі істер бастауы - «Qazaqstan» Ұлттық телеарнасы

Депутат Ольга Булавкина: Саяси реформа - іргелі істер бастауы

12.05.2022

Конституцияға енгізілетін түзету бүкіл азаматтық қоғамның сұранысына сай, негізделген үлкен реформа. Сондықтан маусымның бесінде өтетін референдумға әр азамат белсенді қатысып, өз таңдауын жасауы тиіс. Яғни саяси өзгерестерді алға жылжыту үшін жасалған кешенді бағдарлама. Президент Қасым-Жомарт Тоқаев наурыз айындағы Жолдауында алда болатын басты өзгерістерді атап, бағыт бағдарын айқындап берді. Соған сәйкес Мәжіліс пен Сенат депутаттары өңірлерге барып, Конституцияның баптарындағы өзгерістерді халыққа түсіндіріп жатыр. Кешелі бері сенатор Ольга Булавкина шығыстағы ел-жұртпен кездесті. Жоғарғы оқу орны оқытушылары мен студенттерге және қоғамдық ұйым өкілдеріне саяси референдумының маңызын түсіндірді.

Ольга Булавкина, ҚР Парламенті Сенатының депутаты:  
 Конституциядағы өзгеретін әрбір бап бұған дейін жіті сараптаудан өтті. Яғни қоғамның өзгеріп, алға жылжуына әсер етеді. Сондықтан біз әр кездесуде, әр бап туралы жіліктеп түсіндіруге тырысамыз. Саяси өзгеріс туралы айтқанда жастар мен студенттер немқұрайлы болмауы тиіс. Өйткені реформаның бастауында солар тұруы керек.


Хабарламаларға жазылу