Жамбылда полиция қызметкерлерін соққыға жыққандар ұсталды - «Qazaqstan» Ұлттық телеарнасы

Жамбылда полиция қызметкерлерін соққыға жыққандар ұсталды

07.05.2022

Жамбылда полиция қызметкерлерін соққыға жыққандар ұсталды. Оқиға Шу қаласының вокзал маңында болған.

Тәртіп сақшылары мемлекеттік нөмірі жоқ «ВАЗ» маркалы жеңіл көлікті тоқтатқан. Мән-жайды анықтау барысында автокөлік жүргізушісі мен жолаушы заң талаптарына бағынбай, қарсылық көрсеткен. Оларға сол маңдағы өзге таныс азаматтар да қосылған.

Нәтижесінде бір топ адам тәртіп сақшысына күш көрсеткен. Қару қолданған. Қазір күдіктілер ұсталып, қылмыстық іс қозғалды. Ал зардап шеккендердің бар-жоғы туралы ресми ақпарат жоқ.


Хабарламаларға жазылу