Жаңалықтарды Telegram арнамыздан оқыңыз!Ертең, сағат 14.00-де Қазақстан Баспасөз клубында Халықаралық «Жаңа толқын-2014» фестивалінің қорытындысы бойынша баспасөз мәслихаты өтеді.
Естеріңізге сала кетейік, байқау 22-27 шілде аралығында Латвияның Юрмала қаласында өтті.
Шараға қатысу үшін әлемнің 45 мемлекетінен 15 мың жас талант өтінім білдірген. Алайда, ақтық сайыста 13 мемлекеттен тек 16 қатысушы бақ сынады.
Қазақстан атынан өнер көрсеткен әнші Әлішер Кәрімов 10-шы орыннан көрінді.
Қазақстандық жанкүйерлер халықаралық ән байқауын «Қазақстан» Ұлттық телеарнасынан тікелей эфирде тамашалады.
Ертеңгі баспасөз мәслихатына әнші мен оның продюсері Алтынбек Рахметов қатысады.
