Елордада әлемдік және дәстүрлі діндер көшбасшыларының VII съезі өтеді

Күзде елордада әлемдік және дәстүрлі діндер көшбасшыларының VII съезі өтеді. Жиын қарсаңында еліміздің Бельгиядағы елшілігі Брюссельде гибридті форматта басқосу ұйымдастырды. Шараға қатысқан сарапшылар, теологтар әлемде бейбітшілікті қамтамасыз ету үшін дінаралық, конфессияралық диалогты күшейтудің маңыздылығын талқылады. Сондай-ақ шетелдік меймандар 130-дан астам ұлт пен 18 діннің өкілі тату тұрып жатқан Қазақстандағы дінаралық келісімнің үлгісін жан-жақты саралады.

Абдельазиз Аухаби, Бельгия мұсылмандарының атқарушы комитетінің үйлестірушісі:

Әлемдік және дәстүрлі діндер көшбасшыларының конгресі өте маңызды жиын. Себебі адамзат баласын түзу жолға салып, дағдарыстарға, пандемияға қарсы төтеп беру үшін барлық діндер күш біріктіруі тиіс. Ғаламда бейбітшілікті қалыптастыруға қомақты үлес қосып отырған Қазақстанның бастамаларына алғысымыз шексіз және сіздердің тәжірибелеріңіз жаһанға үлгі.

Нұрсұлу Қасым