Жаңалықтарды Telegram арнамыздан оқыңыз!Елордада даңқты спортшы, Олимпиада чемпионы Жақсылық Үшкемпіровты еске алуға арналған халықаралық жарыс өтіп жатыр. Тәжікстан, Иран мен Өзбекстан, Қырғызстан және Қазақстан жалпы 5 мемлекеттен келген жастар мен жасөспірімдер грек-рим күресі бойынша мықтыны анықтауда. Байрақты бәсекені «Қазспорт» арнасы спорт сүйер қауымға тікелей эфирде ұсынып жатыр. Жарыс 3 күнге созылады. Спортшылар бозкілемде 10 салмақ бойынша белдесуге түседі. Өйткені турнир «Біріккен күрес әлемі» халықаралық федерациясының талаптарына сай ұйымдастырылды. Жеңімпаздарға арнайы диплом, медаль және қомақты қаражат бұйырады.
