Жаңалықтарды Telegram арнамыздан оқыңыз!Бас прокуратура қазақстандықтардың еңбек құқығын бұзған ірі компанияларды атады. Олар «Қазцинк», «Казхром», «Казфосфат», «Аралтұз», «Казақмыс» және «Өзенмұнайгаз» мекемелері. Ондағы жұмысшылар қорғаныш құралдары және ыстық тамақпен қамтамасыз етілмеген. Бұған қатысты 2 мыңнан астам факті тіркелді. Жұмыс берушілер қызметкерлерді оқыту, міндетті нұсқау беру, сақтандыру және медициналық тексеруден өткізу шараларын орындамаған. Салдарынан 5 мың қызметкердің еңбек құқығы бұзылды. Өрт, өндірістік, және санитарлық-эпидемиологиялық қауіпсіздік бойынша 6 жарым мыңнан астам заң бұзушылық анықталған. Жұмысшылардың өндірістік жарақаттары мен өлімін жасыруға қатысты 40-тан астам дерек тіркелді. Тексеру қорытындысы бойынша 69 қадағалау акті енгізіліп, 226 тұлға әкімшілік жауапкершілікке тартылды.
Раушан Сайлауқызы
