Жаңалықтарды Telegram арнамыздан оқыңыз!Футболдан UEFA Чемпиондар лигасы жартылай финалындағы тағы бір ойынның нәтижесі белгілі болды. Түнде «Ливерпуль» өз алаңында «Вильярреалды» қабылдап, 2:0 есебімен жеңді. Екі гол да екінші тайымның 53-ші және 55-ші минуттарында соғылды. Қарымта ойын 3 мамырда өтеді. Кеше жартылай финалда «Манчестер Сити» мен «Реал Мадрид» кездесіп, ағылшындық команда жеңген болатын. Ал бүгін Еуропа лигасы мен конференция лигасындағы кездесулер өтеді. Бұл матчтарды Ұлттық арна мен «Qazsport» телеарнасы тікелей эфирден көрсетеді.
