Ұлыбритания Парламенті елімізде болып жатқан саяси реформаларды талқылады

Ұлыбритания Парламенті елімізде болып жатқан саяси реформаларды талқылады. Шара Қазақстан мен Ұлыбритания арасындағы дипломатиялық қатынастың орнауына 30 жыл толуына орай ұйымдастырылды. Депутаттар мемлекеттік басқарудың жаңа моделін қолдайтынын айтты. Адам құқықтарын қорғаудағы және заң үстемдігін қамтамасыз етудегі биліктің бастамаларына оң баға беріп, парламентаралық ынтымақты нығайтуға мүдделі екендерін жеткізді.

Лорд Фрэнсис Мод, Ұлыбритания Парламентінің мүшесі:

Мен Қазақстанға бірнеше рет барып, даму үдерістерінің куәсі болдым. Ең басты мәселе ол - заң үстемдігі. Қазақстан бұл тұрғыда тың шараларды қолға алды. Бірақ әлі атқарылар шаруа көп. Біз Қазақстанның табысты болғанын көргіміз келеді.

Марина Бекенова