Елімізде 4 қала мен 5 облыста дауылды ескерту жарияланды

Ел аумағында ауа райы күрт суытып, көктайғақ болады деп болжануда. Бүгін-ертең 4 қала мен 5 облыста дауылды ескерту жарияланды. Елордада қар аралас жауын жауып, ауа температурасы түнде 3-5 градусқа дейін суытуы мүмкін. Петропавл, Көкшетау мен Қарағандыда жел күшейеді. Тұман түсіп, көктайғақ болады. Солтүстік Қазақстан облысында ауа температурасы түнде 3-8 градусқа дейін төмендейді деп күтілуде. Павлодар, Батыс Қазақстан, Түркістан және Алматы облыстарында екпіні секундына 15-20 метрге дейін жел соғады. Шымкент, Түркістан аумағында күн күркірейді.