Оператор РОП және Экология министрлігінің лауазымды тұлғалары 180 млрд теңге көлемінде ақша жымқырмақ болған

Экология, геология және табиғи ресурстар министрлігінің лауазымды тұлғалары мен «Оператор РОП» серіктестігінің басшылығы 180 млрд теңге жымқырмақ болған. Бұл туралы Сыбайлас жемқорлыққа қарсы іс-қимыл агенттігінің өкілдері мәлімдеді. Олар электр энергиясын өндіретін 6 қоқыс жағатын зауыт салу үшін жеке ұйымды заңсыз қаржыландырып, утиль алым түрінде жиналған қаржыны ұрлауды көздеген. Бұл ретте мемлекет электр қуатын 15 жыл бойы жоғары тарифпен сатып алуға және жеке компанияға миллиардтаған пайда әкелуге кепілдік беруі тиіс болған.

Арман Тлеукенов, ҚР Сыбайлас жемқорлыққа қарсы іс-қимыл агенттігінің ресми өкілі:

Экология вице-министрі және «Оператор РОП» бұрынғы басшылары қамауда. Кінәлілік туралы қорытынды шешімді сот анықтайды. Өзге ақпарат тергеу мүддесінде жария етуге жатпайды.