Мұнай өнімдерін сыртқа көлікпен тасымалдауға қойылған тыйым тағы жарты жылға ұзартылды

Ал мұнай өнімдерін сыртқа көлікпен тасымалдауға қойылған тыйым тағы жарты жылға ұзартылды. Энергетика министрлігінің хабарлауынша бұл ішкі нарықта бензин және дизель тапшылығына жол бермеу үшін жасалып отыр.

Бұған дейін жанармайды сыртқа тасуға былтыр қарашада шектеу қойылған еді. Оның мерзімі осы айда аяқталады. Ережеге сай бензин мен солярканы көлікпен экспорттауға болмайды. Тек 20 литрден аспайтын ыдыста тасымалдауға рұқсат. Алайда мұнай-газ сарапшылары бұл шешім жеткіліксіз дейді. Айтуларынша көлеңкелі бизнесті жою керек. Өйткені жанармайды заңсыз экспорттап, қалтасын қампайтын отырғандар бар.

Досжан Маратұлы