Жаңалықтарды Telegram арнамыздан оқыңыз!Мемлекет басшысы Цифрлық даму, инновациялар және аэроғарыш өнеркәсібі министрі Бағдат Мусинді қабылдады. Министрдің айтуынша, қазір жеке деректерді қорғауға арналған 18 құжат цифрлық форматқа ауыстырылған. Бұдан бөлек Бағдат Мусин Қасым-Жомарт Тоқаевқа «цифрлық теңсіздікті» жою, интернетпен қамтамасыз ету және оның сапасына қатысты бақылау шараларын күшейту жөніндегі тапсырмалардың орындалуы туралы да есеп берді. Былтыр 628 елді мекенде Интернет сапасы жақсартылса, биыл тағы 140 ауылда осындай жұмыстар жүргізілмек. Президент отандық IT секторды қолдауға бағытталған нақты шаралар әзірлеуге және халықаралық нарықта жетістікке жеткен шетелдік IT компанияларға көмек көрсетуді тапсырды.
