Еліміздегі қағаз өндіруші кәсіпорындарда шикізат тапшы

Қағаз өндіруші кәсіпорындарда шикізат тапшы. Оны экспорттап отырған Ресей мен Финляндияның өзінде жетпейді. Соның салдарынан елордадағы өндіріс уақытша тоқтатылды. Зауыт директоры Нұрлан Закарьяновтың айтуынша, Фин еліндегі бас кәсіпорында ереуілдер өтіп, тасымалдау мүмкін болмай тұр. Ал 2 млн 400 мың қорап қағаз шығару үшін жылына 6 мың тонна шикізат қажет. Дегенмен зауытты мамырда қайта іске қосуға күш салып отыр. Қағаз бастапқы келісім шартқа сай сатылады,-дейді. Еске салайық, бұған дейін Шымкентте де шикізаттың жоқтығынан кеңсе қағаздарын шығаратын өндіріс орны уақытша тоқтатылған еді.