Батыс Қазақстан облысы: Шыңғырлау ауданындағы су шайып кеткен 10 жол бөлігі бақылауда - «Qazaqstan» Ұлттық телеарнасы

Батыс Қазақстан облысы: Шыңғырлау ауданындағы су шайып кеткен 10 жол бөлігі бақылауда

06.04.2022

Батыс Қазақстан облысының Казталов ауданында Қошанкөл-Қараоба жолын су басты. Тағы да бірнеше жолды су шайып кетті. 

Ардақ Мұратқызы, тілші:
Оралдан 400 шақырым қашықтағы Қошанкөл-Қараоба жолын су басты. Аудандық маңыздағы тасжолға тасқын су Жәнібек ауданы Жақсыбай ауылы жақтан келген. Оның тереңдігі 10 сантиметр, ұзындығы - 40, ал ені 10 метрге дейін жайылған. Қарғын су қыстақтардағы көлшіктерге барып құяды. Олар толса, Қошанкөл ауылы маңындағы арнайы қазылған сайға жиналады. Әзірге ауылға қауіп жоқ, дейді мамандар. 
Бүгін Жәнібек-Талов тасжолын да қарғын су бұзып өтті. Ол жердегі құбыр қатты нөпірмен келген тасқынды өткізе алмай, су жолды бұзып, жарып өткен. Және Федоров-Ақсай тасжолын да су басып, жол жабылған еді. Қазір ол жердегі ағын тоқтады. Көліктер жүріп жатыр. Ал Шыңғырлау ауданындағы су шайып кеткен 10 жол бөлігі бақылауда. Алмаз ауылына кіреберіс жолда бұзылған көпір қалпына келтіріліп жатыр. 

Ардақ Мұратқызы

Хабарламаларға жазылу