Қасым-Жомарт Тоқаев Динара Тілендиеваны қабылдады

Қасым-Жомарт Тоқаев «Отырар сазы» оркестрінің жетекшісі Динара Тілендиеваны қабылдады. Кездесуде қазақ мәдениетін дамыту жайы сөз болды. Әрі Динара Тілендиева «Отырар сазы» мемлекеттік академиялық фольклорлық-этнографиялық оркестрінің қызметі мен алдағы жоспары жайлы мәлімет берді. Бұдан бөлек, 2025 жылы көрнекті композитор Нұрғиса Тілендиевтің туғанына 100 жыл толады. Қасым-Жомарт Тоқаев аталған маңызды оқиғаны кең көлемде атап өту қажет екенін айтты.

Досжан Маратұлы