Коронавирусқа шалдыққандар саны азайып келеді

Өткен тәулікте 54 адам вирус жұқтырған. Жамбыл, Маңғыстау, Түркістан облыстарында бірде бір науқас тіркелген жоқ. Ал, Павлодар облысында соңғы екі жарым жылда тұңғыш рет ковид жұқтырғандар тіркелмеді. Нәтижесінде бірнеше ковидтік госпитальдер қатарынан жабылып, профильді бағыт бойынша жұмыс істеуге кірісті.

Әсел Шарапиденова,  №3 қалалық ауруханасы бас дәрігерінің орынбасары:
Біз өзіміздің профильдерімізді аштық. Олар хиругия, эндокринология және гинекология. Жедел және ургентті түрде жұмыс жасаймыз. Қазіргі таңда бізде 156 науқас жатыр. 

Айта кетейік Қазақстан қазір «жасыл» аймақта. Бас мемлекеттік санитар дәрігердің білім беру мекемелеріне қатысты жаңа қаулысы шықты. Құжатқа сәйкес, «жасыл» және «сары» аймақтарда әлеуметтік қашықтықты сақтауға қойылатын талаптар алынып тасталды. «Ashyq» қосымшасын пайдалану мен дене қызуын өлшеу білім ошақтарында ерікті түрде жүргізілуі мүмкін.

Дарын Сағитов