Жаңалықтарды Telegram арнамыздан оқыңыз!Күштік құрылым қызметкерлерінің әрекетіне қатысты арыздар бойынша Сыбайлас жемқорлыққа қарсы қызметке прокуратура мен Ішкі істер министрлігінен 125 қылмыстық іс түсті. Жемқорлыққа қарсы қызмет 109 арыз бойынша сотқа дейінгі тергеп-тексеруді бастады. Үтікпен азаптау бойынша 11 адамның арызына қатысты қылмыстық істі жедел-тергеу уақтылы жүргізілген. Кейін күдікті, жедел уәкіл А.Кенжебаев ұсталып, соттың санкциясымен қамауға алынды. Құқық қорғау органдары қызметкерлерінің заңға қарсы әрекетін куәландыратын дерек анықталмаған соң, 7 іс тоқтатылған. Ал өтініш берген 172 адамға «тәртіпсіздікке белсенді қатысушы» деген күдік тағылды.
Олжас Бектенов, ҚР Сыбайлас жемқорлыққа қарсы іс-қимыл агенттігінің төрағасы:
Барлық қылмыстық істер бойынша қажетті сот сараптамалары тағайындалды. Қазіргі уақытта 46 арызданушыда жеңіл дене жарақаты, алтауында орташа дене жарақаты анықталғаны белгілі болды.
