Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев брондалған дөңгелекті техника шығаратын «Қазақстан Парамаунт Инжиниринг» зауытына барды. Президент жоғары технологиялы кәсіпорынның жұмысымен танысып, отандық қорғаныс-өнеркәсібі өнімдерінің көрмесін көрді. Зауытты аралап шыққан Қасым-Жомарт Тоқаев саланы дамытудың бірқатар бағыттарын айқындап берді. Сондай-ақ, Мемлекет басшысы отандық өндірушілерді қолдау қажет екенін айтты. Ал, өндірілетін өнім техникалық тұрғыдан заман талабына сай болуы керек екенін атап өтті.
