Президент Ұлттық банк төрағасы Ғалымжан Пірматовты қабылдады

Бүгін Президент Ұлттық банк төрағасы Ғалымжан Пірматовты қабылдады. Қасым-Жомарт Тоқаевқа Ұлттық банктің әлемдегі геосаяси жағдайға және қаржылық тұрақтылықты қамтамасыз етуге бағытталған іс-әрекеттері туралы есеп берілді. Әрі қаржы және баға тұрақтылығын қамтамасыз ету жөніндегі шаралар, соның ішінде халықтың теңгемен салған салымдарын қорғау, сыртқы және ішкі секторлардағы негізгі қатерлер ескеріле отырып, ақша-несие саясатының іске асырылу барысы туралы баяндалды. Сондай-ақ валюта нарығындағы ахуал, Ұлттық банктің алтын-валюта резервтерінің және Ұлттық қор активтерінің жай-күйі сөз болды. 

Досжан Қалиев