Мемлекет басшысы: Халықты жұмыспен қамтитын жаңа өндіріс орындары ашылуы керек

Халықты жұмыспен қамтитын жаңа өндіріс орындары ашылуы керек. Мемлекет басшысы Индустрия және инфрақұрылымдық даму министріне осындай тапсырма берді. Қайырбек Өскенбаев инфрақұрылымдарды теңдей қолжетімді қылу және отандық өндірушілерді шикізатпен қамтамасыз ету бойынша атқарылып жатқан шаруаларды баяндады. Президент құрылыс саласын дамыту және оны монополиядан тазарту, инвестиция тарту, жаңа өнеркәсіптік кәсіпорындар ашу жайына ерекше тоқталды. Көлік әлеуетін күшейту, Қазақстан аумағы арқылы өтетін транзиттік тасымал көлемін арттыру, өнеркәсіп, құрылыс салаларын цифрландыру жөнінде бірқатар тапсырма берді.