Спринт: Қазақстан әйелдер құрамасы финалдық кезеңге өте алмады

 Спринт жарысынан өнер көрсеткен Қазақстан әйелдер құрамасы финалдық кезеңге өте алмады. Екінші жартылай финалда өнер көрсеткен спортшыларымыз мәреге 10-шы болып келді.

 Жарыс ережесіне сәйкес финалдық кезеңге екі топтан үздік 4 команда және уақыт көрсеткіші (Lucky loser) бойынша 2 команда жолдама алады. Қазақстан құрамасы өнер көрсеткен топта Ресей Олимпиадалық комитетінің құрамасы, Финляндия, Швеция, Норвегия, Франция және Польша құрамасы финалға жолдама алды.

Ал бірінші жартылай финалда Германия, АҚШ, Аустрия және Швейцария құрамасы ақтық сынға шықты.

Әйелдер арасындағы спринтте:

Олимпиада чемпионы - Германия

Күміс жүлде - Швеция

Қола жүлде - Ресей Олимпиадалық комитеті