Жаңалықтарды Telegram арнамыздан оқыңыз!Алматыға қалың қар түсті. Таңертең қалада 3-5 см, ал тау бөктері мен таулы аудандарда 10-12 см ақ ұлпа жауған. Қазір 1600 жұмысшы қар жинауға жұмылдырылды. Жолдарда көктайғақ. Салдарынан көлік қозғалысы қиындап, соңғы тәулікте 100-ден астам жол-көлік оқиғасы тіркелді. Апат салдарынан 26 адам түрлі жарақат алған. Көктайғақтың алдын алу үшін 200 құмшашқыштың кезекшілігі ұйымдастырылады. Полиция департаменті тұрғындарды жолда сақ болуға шақырып отыр. Синоптиктердің болжамы бойынша, Алматыда алдағы 2 күнде ауа райы құбылмалы болады. Түнде ауа температурасы 4-6 градусқа дейін суытып, тұман түсуі мүмкін.
