Оттавада төтенше жағдай режимі енгізілді - «Qazaqstan» Ұлттық телеарнасы

Оттавада төтенше жағдай режимі енгізілді

07.02.2022

Канада астанасы Оттавада жүк көлігі жүргізушілерінің ереуіліне байланысты төтенше жағдай режимі енгізілді. Шаһар мэрі Джим Уотсонның мәлімдеуінше, демонстранттардың саны қаладағы тәртіпті қадағалайтын полицейлердің санынан асып кеткен. Сол себепті жағдай бақылаудан шығып, тұрғындардың қауіпсіздігін қамтамасыз ету мүмкін болмай тұр. Шеру қаланың күнделікті тіршілігін жандандыруға кедергі. Наразылық акциясына қатысушылар Оттаваның орталығын көліктермен және палаткалармен жауып, қозғалысты тоқтатып тастаған. Осыған орай полиция қауіпсіздікті күшейтіп, тәртіп бұзғандарды қамауға алмақ. Айта кетсек, Канадада жүк көлігі жүргізушілері ковидке қарсы вакцинаның міндеттелуіне қарсы шерулетіп жатыр.

Арай Төлегенқызы


Хабарламаларға жазылу