Эквадорда лай көшкіні мен тасқыннан 24 адам қаза тапты

Эквадорда су тасқыны мен лай көшкіні құрбандарының саны 24-ке жетті. Тағы 47 тұрғын жоғалып кеткен.

Қаңтардың 31-інде мемлекет астанасы Кито мен оның айналасындағы елдімекендерге әдеттегі нормадан 40 есе көп жауын жауып, соның нәтижесінде таудан тас пен лай көшкен.

«Рейтер» агенттігінің хабарлауынша, өзендер арнасынан тасығанда жүздеген үй мен көлікті су шайып кетті. Қазір апат жайлаған аудандарда құтқару операциялары жалғасып жатыр.

Арыстан Рысбек