Жаңалықтарды Telegram арнамыздан оқыңыз!Бірлік күні Астанада биыл ерекше форматта өткізіледі. 1-мамыр күні Орталық алаңда әдеттегі көрмелердің орнына этноауылдар құрылады.
Жалпы, мерекелік шаралар 14-сәуірден бастап өткізілуде. 2-мамырға дейін 40 тан астам іс-шара ұйымдастырылады.
Сондай-ақ, мереке күні қаладағы 615 зейнеткерге әлеуметтік көмек көрсетіледі. 23 этномәдени орталықтың 400-ден астам көркемөнерпазы, сонымен бірге Ресей, Түркия, Германия, Индия, Қытайдан арнайы әншілер келіп, Астана аспанын әуезді әнге бөлейді.
Болат Тілепов, Астана қалалық Ішкі саясат басқармасының басшысы:
Қала жұртшылығының бастамалары бар. Қалалық Кәсіпкерлер палатасы жағдайы төмен отбасыларға азық-түлік пакеттерін таратып, мерекелік дастархан жаяды. Сондай-ақ, азық-түлік бағаларына жеңілдіктер қарастырылған.
Елдің бірлігі мен ынтымағы үшін Қазақстан халқы Ассамблеясының атқарып отырған жұмысы орасан зор. Бұл туралы бүгін Парламент Мәжілісіндегі Ассамблея депутаттарымен өткен жиында айтылды.
Олар «Қазақстан-2050» Стратегиясындағы әлемдік мәдениет пен діни келісім туралы міндеттерді талқылады. Нәтижесінде алдағы уақытта осы бағыттар бойынша тың жобалар қолға алынатын болады.
Индира БЕГАЙДАР
