Атырау облысында екі күнде 1134 адам індетке шалдықты - «Qazaqstan» Ұлттық телеарнасы

Атырау облысында екі күнде 1134 адам індетке шалдықты

18.01.2022

Атыраудағы Теңіз кенішінде эпидахуал күрт нашарлады. Екі күннің ішінде 127 жұмысшы індетке шалдықты. Өңірде де жағдай мәз емес. Толығырақ меншікті тілшіміз Жандос Темірғалидан білейік. 

Жандос Темірғали, тілші:

Теңізде санитарлық тәртіп қатаңдатылды. Бүгін 101 жұмысшыдан вирус анықталды. Қазір кен орны аумағындағы стационарда 500-ге жуық адам емделіп жатыр. Кеніштегі медициналық мекемеде қосымша 1000 төсек-орын дайындалды. Өңірде де эпидахуал ушықты. Соңғы тәулікте 322 қала тұрғыны індетке шалдықты. Қазір 2 500-дей адам үйде емделуде. Сонымен қатар инфекциялық ауруханаларда бас-аяғы 730 науқас жатыр. 109-ы жүкті әйел, 25-і бала. 11 пациенттің жағдайы ауыр. Қазір облыста барлығы 250 000-дай адам вакцина салдыртты. 13 000-нан астамы кері вакциналаудан өтті.

Жандос Темірғали


Хабарламаларға жазылу