Елордада қоғамдық тәртіп пен қауіпсіздік бақылауда: Тәулік бойы 6 блокбекет жұмыс істейді

Бүгінде елордада жағдай тұрақты. Құқық қорғау органдары азаматтардың қауіпсіздігі мен тәртібін бақылауда ұстап отыр. Бас қаламыздағы Ішкі істер департаменті баспасөз қызметінің мәліметіне сенсек,Төтенше жағдай режимін бұзған 64 адам жауапкершілікке тартылды. Тәулік бойы 6 блокбекетте күдікті адамдарды және тыйым салынған заттарды анықтау үшін көліктер тексеріліп жатыр.

Эльмира Шауленова, Нұр-Сұлтан қаласы Полиция департаменті баспасөз қызметінің жетекшісі:

Бір тәулікте қалада 13 қылмыс тіркелді. 62 жол-көлік оқиғасы болды. Жарақат алғандар жоқ. Мас күйінде көлік жүргізген бір кісі ұсталды. «Құқықтық тәртіп» жедел алдын алу іс-шарасы аясында 311 әкімшілік құқық бұзушылық анықталды. оның 11-і қалада тұру ережелерін бұзу, 37-сі қоғамдық орындарда спирттік ішімдік ішу және 47-сі көші-қон заңнамасын бұзу.