Алматылық полицейлер оқ-дәрілер мен ұрланған мүліктерді тәркіледі - «Qazaqstan» Ұлттық телеарнасы

Алматылық полицейлер оқ-дәрілер мен ұрланған мүліктерді тәркіледі

08.01.2022

Қолға түскен күдікті саны күн санап артып барады. Дәл қазір ішкі істер министрлігіндегі терроризмге қарсы штабта жұмыс істеп тұрған тілшіміз Нысаналы Ығылмен тікелей байланысқа шықтық.

Нысаналы Ығыл, тілші:
Қолға түскен күдікті саны күн санап артып барады. Қазіргі мәлімет бойынша 4266 адам полиция органдарына жеткізілген. Құқық қорғау органдарының жұмысы қауырт. Қылмыскерлерді анықтау және ұстау бойынша жедел шаралар жүйелі жүргізіліп жатыр. Ұсталғандардың қатарында шетел азаматтары да бар. Алматылық полицейлер Қалқаман ықшам ауданында оқ-дәрілер мен ұрланған мүліктерді тәркіледі. Сотқа дейінгі тергеу амалдары жүргізілуде. Ал, Алматы облысындағы ауылдардың бірінен 100-ден аса күдікті қолға түскен. Алдын ала мәліметтер бойынша олар көрші мемлекеттің азаматтары. Жамбыл өңірінде бірнеше автомат пен тапанша табылды.

Хабарламаларға жазылу