Ақтөбе облысында Наурыз мейрамына 4 тонна бауырсақ пен 5 мың литр көже пісірілмек - «Qazaqstan» Ұлттық телеарнасы

Ақтөбе облысында Наурыз мейрамына 4 тонна бауырсақ пен 5 мың литр көже пісірілмек

19.03.2014
Ақтөбе облысында Наурыз мейрамына 4 тонна бауырсақ пен 5 мың литр көже пісірілмек
Ақтөбеде ұжымдарда, мектептерде және мәдени орталықтарда көктем мерекесіне арналған іс-шаралар өтуде.
 
Басты мерекелік шаралар 21-22 наурызда негізгі қалалық алаңдар мен селолық округтерде өтеді.

Ұлыстың ұлы күніне арнап дәмханалар, мейрамханалар мен сауда нысандары шамамен 4 тонна бауырсақ, 5 мың литр ұлттық сусын - Наурыз көже әзірлейді деп күтілуде. 

Мерекелік шаралар ҚР Тұңғыш Президенті саябағында, Орталық стадионда, Металлургтер мәдениет үйінде, «Мега Ақтөбе» сауда ойын-сауық кешенінде, Пушкин атындағы саябақта және «Ретро», «Авиатор» саябақтарында өтеді.

Бұл жерлерде театрландырылған көріністер, шығармашылық ұжымдардың концерттері, ұлттық ойындардан жарыстар мен сұрақ-жауап сайыстары, байқаулар өтпек.

Хабарламаларға жазылу