Ақмола облысында алтын өңдейтін заңсыз цех анықталды

Ақмола облысының Бестөбе кентінде алтын өндейтін заңсыз цех жұмысы әшкереленді. Нысан жедел-іздестіру шаралары нәтижесінде анықталып отыр. Бір жарым тонна материал, үш қондырғы, 80 грамм алтын үгіндісі, үш суық қару тәркіленді. Оған дейін ақмолалық полицейлер алтынды заңсыз өндіріп, сатумен айналысқан қылмыстық топты қолға түсірген болатын. Күдіктілерге қатысты қылмыстық іс қозғалып, тергеу жүріп жатыр.

Ермек Елберген