Жаңалықтарды Telegram арнамыздан оқыңыз!Жаңа жыл қарсаңында «Qazaqstan» телеарнасы «Әлемдік туындылар» апталығын ұсынады. 31 желтоқсан мен 7 қаңтар аралығында Ұлттық арна эфирінен әйгілі жаңажылдық комедия «Үйде жалғыз қалғанда» («Один дома») фильмінің 5 бөлімі мен әлемдік бестселлер, уақыт үстемдігіне бағынбайтын «Титаник» фильмі алғаш рет қазақ тілінде көрсетіледі.
Сонымен қатар, «Disney»-дің әйгілі «Мұзды өлке», «Джунгли кітабы», «Күлше қыз», «Малефисента» туындылары мен «20th Century Studios» киностудиясының «Мұз дәуірі» мультфильмінің 2 бөлімі және «Warner Bros.» студиясының «Смолфут» анимациялық фильмі көрермен назарына ұсынылмақ.
«Qazaqstan» телеарнасы 2012 жылдан бері «Disney» компаниясының алтын және платина коллекциясынан 50-ге жуық туындыны аударып шықты. Бұл – ТМД елдері телеарналарының ішіндегі ең жоғары көрсеткіш.
Сонымен қатар, «Marvel», «Disney», «DreamWorks», «PIXAR» және т.б. әлемдік киностудия туындылары «Qazaqstan» телеарнасынан демалыс күндері 14:00-де көрсетіліп келеді.
