Жаңалықтарды Telegram арнамыздан оқыңыз!Алматыда еліміздің таңғажайып жерлері туралы баяндайтын «Беймәлім Қазақстан» деректі фильмі көрсетілді. 4 ай бойы түсірілген ауқымды жоба Тәуелсіздіктің 30 жылдығына арналған. Деректі фильмнің түсірілім тобы, шамамен, 100 мың шақырымды бағындырып, өңірлерді түгел аралап шықты.
Жобаның мақсаты - шежірелі тарихты, бай табиғатымыз бен мәдени мұраларымызды насихаттау. Сондай-ақ туынды Қазақстанның көп зерттелмеген таңғажайып жерлерін көрсетіп, әлем жұртына таныстыруды көздейді. Жоба қазақ, орыс және ағылшын тілдерінде көрсетіледі.
Жазира Оразқызы
