Түркістан облысында 26 мыңға жуық адам екпенің үшінші дозасын салдырды - «Qazaqstan» Ұлттық телеарнасы

Түркістан облысында 26 мыңға жуық адам екпенің үшінші дозасын салдырды

24.12.2021

Түркістан облысында 26 мыңға жуық адам ревакцинациядан өтіп үлгерді. Өңірде жалпы осы уақытқа дейін 1 млн 37 мыңнан аса адам екпе алған. Жаппай екі салдырудың арқасында аймақта індет жұқтырғандар саны азайды. Мәселен, соңғы тәулікте облыста 3 адамнан ғана COVID анықталған.

Сондықтан эпидемиологтар Жаңа жыл қарсаңында салтанатты шаралар мен отбасылық және басқа да жиындарды 100 адамнан артық емес және 50%-дық толымдылықпен өткізуге рұқсат беріп отыр. Ол үшін жиын өткізілетін нысандарда карантин режимі талаптары қатаң сақталуы талап етіледі. Ал «ASHYQ» жобасына қатыспайтын нысандарда қандай да бір бұқаралық іс-шаралар өткізуге тыйым салынады. Жаңажылдық шыршалар да шектеулі бала санымен өткізілетін болды.

Нұрбек Нышанов, облыстық Санитарлық-эпидемиологиялық қадағалау департаменті басшысы:

Мектепке дейінгі балабақша, мектеп, колледждер мен жоғарғы оқу орындарында топтар мен сыныптарды біріктіре отырып, іс-шаралар өткізуге тыйым салынған. Тек жекеленген сыныптар мен топтарда іс-шараларды өткізуге рұқсат етіледі. Бірақ сырттан ата-аналардың қатысуына тыйым салынады.

Айнұр Ақбаева


Хабарламаларға жазылу