Жаңалықтарды Telegram арнамыздан оқыңыз!Ауа райының күрт бұзылып, көктайғақ болуына байланысты елордалық полицейлер көлік иелерін сақ болуға шақырады. Өткен тәулікте бас қалада 168 жол-көлік оқиғасы анықталды. Тәртіп сақшылары қоғамдық көлік жүргізушілеріне жолда мейлінше мұқият болуды ескертті.
Күні кеше ғана бас қалада жолаушылар автобусының жүргізушісі көлік тізгініне ие бола алмай, көктайғақ салдарынан металл қоршауды бұзып өткен. Оқиға Қосшығұлұлы көшесінде болған. Оны осы маңнан өтіп бара жатқан куәгер өз ұялы телефонына түсіріп алған. Ешкім зардап шекпеді, тек автобусты қайта қалпына келтіруге тура келеді. Жүргізушіге қатысты әкімшілік іс қозғалды.
