Ыстанбұлда Тәуелсіздік күніне орай жаңа кітап таныстырылды - «Qazaqstan» Ұлттық телеарнасы

Ыстанбұлда Тәуелсіздік күніне орай жаңа кітап таныстырылды

21.12.2021

Ыстанбұлда тұратын қазақтардың ең көп шоғырланған ауданы Зейтінбұрныда Қазақстан Тәуелсіздігінің 30 жылдығына арналған жиын өтті. Жырақта жүрсе де, атамекендегі мерекелер мен айтулы күндерді қалт жібермейтін қандастарымыз шағын да болса, мағыналы кеш ұйымдастырды. Басқосуда сонау Алтайдан көшкеннен бастап азаттық алғанға дейінгі қазақтың тарихы мен соңғы 30 жылда жеткен жетістіктері сараланды. Сондай-ақ осы кеште журналист Гүлназ Кәрімжанның «Қандастар» кітабы таныстырылды. Түркияда тұратын қандастарымыздың өткені мен бүгіні туралы жан-жақты мағлұмат беретін кітапқа арқау болған - осында тұратын ағайынның басынан өткен оқиғалары.

Әбдіуақап Қара, Мимар Синан университетінің профессоры, тарихшы:

Бұл кітап саралап қараған кісіге дүниежүзіндегі қазақтың мәдениеті ортақ екенін, қайғысы, қуанышы, мұңы, мақсаты мүддесі ортақ екенін әйгілеп отыр. Сонысымен де ерекше құнға ие деп ойлаймыз.

Айдос Әшімұлы


Хабарламаларға жазылу