Жаңалықтарды Telegram арнамыздан оқыңыз!Ауа райының қолайсыздығынан «Самара-Шымкент» трассасында көлік қозғалысы қиындап кетті. Әсіресе Қызылорда облысының Қармақшы ауданының тұсында көктайғақтан жүк көлігі мен бірнеше жеңіл автокөлік жолдан тайып, аударылып қалды.
Адамдар дін аман. Зардап шеккендерге патрульдік полиция мен «ҚазАвтоЖол» мамандары көмек көрсетті.
Жалпы, «Қазгидромет» алдағы күндері еліміздің біраз бөлігінде ауа райы құбылып, көктайғақ пен қарлы бұрқасын болады деп дабыл қағуда. Сондықтан мамандар тұрғындарға алыс жолға шықпауды ескертеді.
