Жаңалықтарды Telegram арнамыздан оқыңыз!Нұр-Сұлтанда Тәуелсіздіктің 30 жылдығына арналған «Бейбітшілік пен келісім жолымен» тележобасының тұсауы кесілді. Бес бөлімнен тұратын трэвел-танымдық шоу еліміздің барлық өңірлерін қамтиды. Онда тәуелсіздік жылдары әр өңірдің әлеуметтік-мәдени, экономикалық дамуын ұсынатын 300-ден астам нысан көрсетіледі. Фильмде татулық пен бірлікті ұстанатын түрлі этнос өкілдерінің 35-тен астам сұхбаты бар. Қазақстан халқы ассамблеясы ұйымдастырған шарада журналистика саласындағы республикалық «шаңырақ» шығармашылық байқауының жеңімпаздары анықталды.
Майя Бекбаева, Қазақстан халқы Ассамблеясы төрағасының орынбасары:
Байқауға жүзге жуық материал келіп түсті. Бүгін 10 номинация бойынша үздік материал таңдалып алынды. Олардың арасында бүгін тұсауы кесілген фильмде еңбек еткен мамандар да бар. Онда еліміздің әртүрлі өңірлеріндегі ең ерекше, көпэтносты отбасылар қамтылған. Бұл Фильмнің тұсаукесері бүгін еліміздің барлық өңірлерінде өтуде.
Сәбит Әлдебай
