Киев пен Мәскеу шекарадағы шиеленіс үшін бір-бірін айыптап отыр

03.12.2021

Украина армиясы Ресей аннексиялаған Қырым маңында әскери жаттығу өткізді. Бұл маневрлардың мақсаты – жауды дереу анықтап, жоюға машықтану.
Украина жауынгерлері Донбасста 2014 жылдан кейін ресейшіл сепаратистермен соғысқаны белгілі. Киевтің мәліметінше, сол қарулы жанжалдан 14 мыңдай адам қаза тапқан.

Қазір Ресей Украина маңында ондаған мың жауынгері мен техикасын шоғырландырып жатыр. АҚШ пен НАТО-ның мәлімдеуінше, Мәскеу осылайша көрші елге басып кіруге әзірленіп жатуы мүмкін.

Кремль болса, мұны жоққа шығарып, Украинаның шығысында жаңа жанжалдың басталу мүмкіндігі жоғары екенін ескертті. Және де Ресей Украинаны бұл аймақты күшпен қайтармақ деп айыптап отыр. Киев бұл мәліметті растамады.

Арыстан Рысбек

Хабарламаларға жазылу