Жаңалықтарды Telegram арнамыздан оқыңыз!Ақтау қаласында Тәуелсіздіктің 30 жылдығы қарсаңында әмбебап кітапхана пайдалануға берілді. Ғимаратта 500 мың кітап қоры бар. 50-ден астам қызметкер жұмыс істейді. Кітапхана 12 бөлімнен тұрады. Мұнда Тұңғыш Президент залынан бастап, балалар мен жасөспірімдерге, зағип жандарға арналған бөлімдер бар. Одан бөлек, интернетпен жабдықталған кабинеттер, әлем әдебиеті, техникалық, арнаулы кітапхана секілді залдар жұмыс істейді.
Көмек Ыбыраев, жазушы:
Осы кітапханаға ең көп келетін мен шығармын. Кем дегенде аптасына 3 рет келемін. Себебі мен жазамын, балалар туралы энциклопедияларды ақтарамын. Мұнда барлық жағдай жасалған. Жазушылар одағына да бөлме беріліп жатыр. Бұл да біздің тынысымызды кеңейтіп, болашақ ұрпақты тәрбиелеуге екпін береді деп есептеймін.
