Жаңалықтарды Telegram арнамыздан оқыңыз!Қазақстанның Тұңғыш Президенті күні қарсаңында Елбасы кітапханасында ерекше көрме ашылды. Музейде әртүрлі технология мен жанрлар бойынша Қазақ елінің Тұңғыш Президенті Нұрсұлтан Назарбаевтың портреттері жинақталған. Арасында тіпті құммен жасалған туынды да бар. Бейнелеу өнерінің таңғажайып коллекцияларын тамашалаған Сенат депутаттары бұл көрме Тәуелсіздік құндылықтарын одан әрі ілгерілетуге қосар үлесі зор деді. Сонымен қатар, қазіргі Қазақстанның қалыптасуы мен дамуындағы тарихи кезеңдерін дәріптейтін дүниелер қойылған.
Әли Бекетаев, ҚР Парламенті Сенатының депутаты:
Ерекше бір технологиямен жасалған. Соның ішінде құмнан жасалған портреттерді бірінші рет көріп отырмын. Құм сусылдап қолға да тұрмайтын нәрсе ғой. Соның өзінен портрет жасау, адам бейнесін жасау, Елбасының бейнесін түсіру бұл - қиынның қиыны. Үлкен таланттың көрінісі деп айтуға болады.
