Шортандыда жарылыстан зардап шеккендерге көмек көрсетіледі

Шортанды кентінде газ баллоны жарылысынан зардап шеккендерге жан-жақты көмек көрсетіледі. Баспанасыз қалған отбасылар қазір туыстарының үйлерінде. Оларға уақытша тұруға екі пәтер дайын дейді жергілікті әкімдік өкілдері. Жарылыс салдарын жоюға арнайы штаб құрылып, жұмыс істеуде. Сондай-ақ Көкшетаудағы Науан Хазірет мешітінің бастамасымен көпшілік қаржы жинауға кірісті. Ол ақшаға үй сатып алынбақ. Кешеден бері шамамен 5 миллион теңге жиналды. Зардап шеккендердің бесеуі әлі де жансақтау бөлімінде жатыр. Олар естерін жиды. Ал екі баланың жағдайы ауыр.

Ұлан Беркімбайұлы,  наиб имам: 
Жиналған қаражатқа сол отбасыға баспана алып беріледі. Егер де әкімшілік тарапынан баспанамен қамтып жатқан жағдайда, сол үйдің ремонтына және керекті тұрмыстық заттарға қаражат жұмсалады. Барша елді осы жобаны қолдауға шақырамыз.

Ермек Елберген