Жаңалықтарды Telegram арнамыздан оқыңыз!
Қазақстан мен Францияның ынтымақтастығы артады. Мәжіліс Төрағасы Нұрлан Нығматулин мен Францияның біздің елдегі елшісі Дидье Канесс бүгін кездесу өткізді. Онда екі елдің энергетика, «жасыл» экономика, денсаулық сақтау, білім беру, ауыл шаруашылығы салалары бойынша әріптестік мәселелері талқыланды. Кездесуде Президент Қасым-Жомарт Тоқаевтың бастамасымен елімізде өтіп жатқан саяси жаңғыру, азаматтық қоғамды дамыту мәселесі де арқау болды. Мәжіліс Төрағасының сөзінше, тұрақты кездесулер тәжірибесін қайта бастау - заңнамалық қызметті, оның ішінде, өнеркәсіпті экологиялық түрлендіру, цифрландыру және басқа да салалардағы мәселелер бойынша тәжірибе алмасуға ықпал ететін болады.
