260 мың автокөлік техникалық байқаудан заңсыз өткен - «Qazaqstan» Ұлттық телеарнасы

260 мың автокөлік техникалық байқаудан заңсыз өткен

09.11.2021

Еліміздегі автокөліктерді заңсыз техникалық байқаудан өткізумен айналысқан қылмыстық топ әшкереленді. Бұл үшін Қазақстанның барлық аймағында 28 техникалық байқау орталығы ашылған. Бірақ бұл фирмалар тек қағаз жүзінде жұмыс істеген. Яғни машина тексеруден өтті деген жалған диагностикалық карта жазып отырған. Темір тұлпардың техникалық жағдайын қарамай-ақ, құжат жазып берудің құны бір көлік үшін кемінде 2 мың теңге болған. Соңғы бес жылда елімізде осындай формальді техникалық тексеруден 260 мың көлік өткен. Ұйымдасқан қылмыстық топтың басшылары Көлік комитетінде жұмыс істеген. Олардың осындай заңсыз бизнесін Сыбайлас жемқорлыққа қарсы қызмет және Бас прокуратура әшкереледі.


Хабарламаларға жазылу