«ЕО – Орталық Азия» экономикалық форумы өтті - «Qazaqstan» Ұлттық телеарнасы

«ЕО – Орталық Азия» экономикалық форумы өтті

05.11.2021

Соңғы 10 жылда Еуро одаққа мүше мемлекеттер Орта Азия елдеріне 105 млрд еуродан астам инвестиция салған. Бұл тартылған шетелдік қаржының 40%-нан асады. Премьер-Министр Асқар Мамин «Еуро одақ – Орталық Азия» экономикалық форумында осылай деді. Орталық Азияға еуропадан қаржы құйып, оны жүргізу үшін 70-ке жуық компания қолайлы салықтық, визалық және еңбек режимінде жұмыс істейтін «Астана» халықаралық қаржы орталығының алаңын ұсынды.

«Орталық Азия – Еуро Одақ» іскерлік кеңесін құру бастамасы да көтерілді. Бішкекке жұмыс сапары аясында Асқар Мамин Еуропалық комиссияның атқарушы вице-президенті Валдис Домбровскиспен екіжақты келіссөз жүргізді. Қазақстан мен Еуро Одақ арасындағы сауда және инвестициялық ағындардың жоғары серпінін атап өтті. Биыл 9 айда тауар айналымы 19%-ға артқан. Үкімет басшысы Қырғызстан Премьер-Министрі Ақылбек Жапаровпен және Өзбекстан Үкіметінің басшысы Абдулла Ариповпен келіссөздер жүргізді. Әріптестер сауда-экономикалық, инвестициялық, су-энергетикалық және агро саладағы ынтымақтастықты сөз етті.

Нысаналы Ығыл

Хабарламаларға жазылу