Биыл тағы бір жел электр станциясы іске қосылады

Елде биыл тағы бір жел электр станциясы іске қосылады. 2 млрд теңгеге бағаланған жоба Ақмола облысында жүзеге асады. Бұл қуаты 5 мегаваттан асатын екінші жел электр станциясы. Өңірде бұған дейін жаңартылған энергия көзіне бағытталған төрт ірі нысан ашылған.

Ең қымбаты 82 млрд теңгеге салынған станция. Оның қуаты 100 мегават. Аймақта күннен қуат алатын баламалы тоқ көзі де бар. Жасыл энергия станциялары ашылған соң еңбек нарығында 100-ден аса адам жұмыспен қамтылған.