Елордада «Елшінің жазбасынан» кітабының тұсаукесері өтті

Елордада Парламент Сенаты жанындағы Сенат Кеңесінің мүшесі, экономика ғылымдарының докторы Икрам Адырбековтің «Елшінің жазбасынан» атты кітабы таныстырылды. Туындыда автордың дипломатиялық қызметі жолында өзі куә болған түрлі шаралар мен маңызды кездесулер және хатамадан тыс болған қызықты оқиғалар туралы баяндалған. Сондай-ақ, шет мемлекеттерде түрлі сала бойынша жүргізілген озық реформалар мен тәжірибелер туралы тың зерттеулері бар. Ел Тәуелсіздігінің 30 жылдық мерейтойы қарсаңында шыққан «Елшінің жазбасынан» кітабы дипломаттар мен жастарға сондай-ақ көпшілік қауымға оқуға ұсынылады.

Бауыржан Қарағызұлы, ақын:

Бұл кітапты толық оқып шықтым. Тәуелсіздікің 30 жылдығындағы өте маңызды кітаптардың бірі деп есептеймін. Тәуелсіздіктің 30 жылдағында қалыптасатын дүниелерді жинақтаған. Алғашқы кезеңде қандай болды деген сияқты. Оның ішінде дипломатиялық жұмыс жайында күрделі мәселелерді қызықты, көркем әдеби тілде баяндайды.