Солтүстік Қазақстанда 145 елді мекен жарықсыз қалды

Солтүстік Қазақстан жылу-электр орталығында ірі апат болды.

12 қазандықтың үшеуі істен шықты. Салдарынан 7 аудандағы 145 елді мекен және Петропавл қаласының жартысына жуығы жарықсыз қалды. Жылу-электр стансасынан шығатын ыстық судың температурасы төмендеп, жылыту жүйесіне де кері әсер етті. Компания өкілдері жағдайды қондырғылардың тозуымен түсіндірді. Жылу-электр орталығы 60 жыл бұрын салынған еді. Апат салдарынан жарықсыз қалған абоненттер саны 37 мыңнан асты.

Бақыт Iлиясов, СҚО энергетика және тұрғын-үй-коммуналдық шаруашылық басқармасының басшысы:

Бір қазандық іске қосылды. Нәтижесінде облыстың екі ауданына жарық берілді. Қалғаны жөнделіп жатыр. Бүгін түнгі 10-ға дейін мәселе толықтай шешіледі деп ойлаймыз. Бұл күтпеген жағдай. Оның қайталанбайтынына ешкім кепілдік бере алмайды.

Эльмира Кәленова