Жаңалықтарды Telegram арнамыздан оқыңыз!Ашхабадта қазақтың ұлы ақыны Абай Құнанбайұлы ұлықталмақ. Президент Қасым-Жомарт Тоқаевтың Түрікменстанға мемлекеттік сапары барысында осы елдің көшбасшысы Гурбангулы Бердімұхамедов осындай ұсыныс жасаған. Бұл туралы Мемлекет басшысының баспасөз хатшысы Берік Уәли хабарлады. Түрікменстан Президентінің пікірінше, Абайдың мүсіні екі халықтың жоғары адамгершілікке негізделген рухани бағдарын, сондай-ақ елдеріміз арасындағы достық пен ынтымақтастықтың шынайы көрінісін айғақтайды. Ал Қасым-Жомарт Тоқаев бұл бастаманы толық қолдап, ризашылығын білдірген.
Досжан Маратұлы
