Қарағандыда адам өліміне кінәлі деп танылған бөлім басшысы сотталды - «Qazaqstan» Ұлттық телеарнасы

Қарағандыда адам өліміне кінәлі деп танылған бөлім басшысы сотталды

25.10.2021

Қарағандыда әкімдік ғимараты терезесінен құлаған жұмысшының өліміне мекеменің шаруашылық бөлімі меңгерушісінің салғырттығы себеп болған. Оны 2 жылға бас бостандығынан айыру жөнінде сот үкімі шықты. Қайғылы оқиға биылғы жылы 19-шы сәуір күні болды. Бөлім басшысы 4-ші қабаттағы терезені жөндеу керектігін айтып, 37 жастағы сантехникке тапсырма берген. Жұмыс барысында мекеменің тіркеуінде жоқ қауіпсіздік белдігі пайдаланылған. Абайсызда жұмысшының аяғы тайып, белдік үзіліп кеткен. Бұған дейін еңбек инспекциясы тексеріс жүргізіп, кінәнің 80%-ы жұмысты дұрыс ұйымдастырмаудан болғанын анықтаған. Шаруашылық бөлімі жетекшісінің кінәсі сотта дәлелденді.

Руслан Нұрланұлы

Хабарламаларға жазылу