Колумбияда 2009 жылдан бері іздеуде болған есірткі бароны ұсталды - «Qazaqstan» Ұлттық телеарнасы

Колумбияда 2009 жылдан бері іздеуде болған есірткі бароны ұсталды

25.10.2021

Колумбияда бірнеше жыл бойы іздеуде болған қылмыскер ұсталды. Елдің ең ірі есірткі картелінің басшысы Даиро Антонио Усуганы қолға түсіруге Колумбия арнайы күштерінің 500-дей мүшесі, 22 тікқұшақ қатысқан.

Отониэль лақап атымен танымал есірткі баронының жүрген жері туралы ақпарат бергендерге АҚШ 5 млн доллар сыйақы тағайындаған еді. Жақын арада Отониэль Құрама Штаттарға экстрадицияланады.

Ол басқарып келген қылмыстық топ есірткі және адам саудасымен, заңсыз алтын өндірумен айналысқан. Бұған қоса, Колумбияның қауіпсіздік күштерінің 200-дей мүшесін өлтіруге қатысы бар. «Рейтердің» мәліметінше, есірткі бароны қылмыстық топпен бірлесе отырып,  жыл сайын 200 тоннадай кокаин тасымалдаған.

Арай Төлегенқызы


Колумбия есірткі Даиро Антонио Усуга

Хабарламаларға жазылу